فئة كبيرة من مستخدمي الحواسيب، ملي كيتصاب ليهم الحاسوب بفيروس أو بالأحرى فيروسات، فكيكون عندهم حل وحيد لمشكل الفيروسات هو فرمتة الحاسوب (فورماطي باباه)
و ذلك إما أن المستخدم ماشي تقني معلوماتي أو ما عندوش دراية بحلول و أدوات حذف الفيروسات بشكل جذري و اللي هي متوفرة خاص غير اللي يقلب و يبحث عليها و إما معكّاز و ما فيه اللي يصدع راسو في عملية البحث عن حلول لحدف هاديك الفيروسات
و ذلك إما أن المستخدم ماشي تقني معلوماتي أو ما عندوش دراية بحلول و أدوات حذف الفيروسات بشكل جذري و اللي هي متوفرة خاص غير اللي يقلب و يبحث عليها و إما معكّاز و ما فيه اللي يصدع راسو في عملية البحث عن حلول لحدف هاديك الفيروسات
هنا كنطرحو سؤال : واش كظن أنك إذا فورماطيتي هذاك الجهاز صافي راك حليتي المشكل من الجذر ؟؟؟
إلا كنتي كظن أنك حليتي المشكل فإعلم يا أخي أنك ذو تفكير ضيق حيت كيف دخل ليك الفيروس للجهاز ديالك اليوم غادي يدخل غدا و بعدو و هذا راجع لطريقة التعامل ديالك مع الجهاز و راجع بالأساس للمواقع و الخدمات الي كتقوم بها فهذاك الحاسوب و بالتالي فتفورماطي هذاك الجهاز ممكن نعتابروه غير هروب من مشكل غادي تاني توقع فيه بمجرد تعاود الإستخدام السيء ديالك لهذاك الجهاز
نفس الشيء ينطبق على الجهاز الأمني المغربي اللي بغا يفورماطي الحركية بإزالة الإلترات ظنا منه أنه هو الحل الجذري و في الحقيقة هو مجرد هروب من الحل أو مجموعة الحلول الواقعية اللي خاصها الخدمة و الصبر و الإلمام بأليات إحتواء المشكل بشكل جذري
الإلترات ماشي كلهم مجرمين و الا كانو مجرمين إذا علاش عمرو لقرابة 10 سنوات ؟؟ لو كانو مجرمين لو كان حل الإلترات شحال هادي ماشي عاد اليوم !!
الإلترات دخلو ليهم الفيروسات و الحل ماشي هو تفورماطي الإلترا بأكملها و إنما الحل هو تستخدم الأليات المتعارف عليها لإجتثات الفيروس من الجدر أما تفورماطي كلشي راه غير خرجتي المجرم من حلقة الإلترا و وسعتي ليه دائرة الإجرام في الشارع العام
المجرم "الفيروس" اللي كان داخل الإلترا راه كان قدامكم في الملعب و ما شديتوهش و من بعد الفرمتة غادي يخرج للأحياء و الشوارع و يذوب فيها كمجرم حر و هاديك الساعة غادي يصعاب الإحتواء ديالو
0 commentaires:
إرسال تعليق